Tottenham gæti þurft að fara að hafa áhyggjur af marka má fréttir frá Spáni í dag. Mundo Deportivo segir að Barcelona horfi til Harry Kane.

Þar er sagt að Börsungar telji að Kane sé maðurinn til að leiða framlínu félagsins á næstu árum.

Luis Suarez er 32 ára gamall og það er aðeins farið að hægjast á kauða.

Börsungar vilja því tryggja sér eftirmann hans og er Kane, ofarlega á blaði. Ekki skal undra enda er Kane einn allra besti framherji í heimi.

Honum hefur tekist að stimpla sig inn sem einn heitasti sóknarmaður í Evrópu og þannig leikmenn vill Barcelona fá.