Zlatan Ibrahimovic, framherji LA Galaxy fær styttu af sér í heimabæ sínum, Malmö í Svíþjóð. Styttan verður afhjúpuð í næsta mánuði.

Ibrahimovic er merkasti knattspyrnumaður sem Svíþjóð hefur átt, ferill þessa 37 ára gamla leikmanns hefur verið magnaður. Hann hefur skorað meira en 400 mörk.

,,Ég er mjög ánægður að styttan verði í Malmö, það var mín ósk frá upphafi,“ sagði Zlatan.

,,Þarna byrjaði allt, þarna er hjartað mitt,“ skrifar Zlatan en styttan verður 500 kíló og tæpir 3 metrar á hæð.

,,Þú færð þetta yfirleitt þegar þú deyrð, ég er enn á lífi. Þegar ég dey, þá lifir þetta að eilífu.“