Fyrr í vikunni ákvað Robert Prosinecki að segja af sér sem landsliðsþjálfari Bosníu en hann gaf það sjálfur út.

Prosinecki var bálreiður eftir 4-2 tap gegn Armeníu og sagðist vera hættur eftir leikinn.

Nú hefur hann hins vegar ákveðið að skipta um skoðun og mun halda áfram að þjálfa landsliðið.

Bosnía byrjaði vel undir stjórn Prosinecki sem tók við í janúar á síðasta ári og var liðið um tíma ósigrað í níu leikjum.

Í undankeppni EM hefur þó illa gengið og hefur liðið aðeins unnið einn af fimm leikjum.

Hann hætti því í aðeins tvo daga en mun halda áfram að stýra liðinu.