Kevin-Prince Boateng, leikmaður Fiorentina, talar ekki vel um Ousmane Dembele, leikmann Barcelona.

Boateng lék með Barcelona í nokkra mánuði á síðustu leiktíð og kynntist þar franska landsliðsmanninum.

Dembele er oft ásakaður um að haga sér ófagmannlega og tekur Boateng alveg undir þær sögur.

,,Dembele er eins og krakki að mínu mati. Þú þarft að taka honum eins og hann er,“ sagði Boateng.

,,Hann mætir seint á æfingu af og til. Það eru leikmenn sem gera það viljandi en hann er öðruvísi. Hann er eins og lítið barn.“

,,Dembele er ekki bara vandamálið, ungir leikmenn eru að þéna alltof mikið. 18 ára gamall strákur á ekki að fá fjórar milljónir evra á ári.“