Valsmenn þurftu að sætta sig við ansi slæmt tap í síðustu umferð Pepsi Max-deildar karla.
Fallið lið ÍBV vann óvæntan sigur á Íslandsmeisturunum og gæti það reynst rothögg í Evrópubaráttu Valsara.
Það var enginn annar en Gary Martin sem skoraði bæði mörk ÍBV í 2-1 sigri en hann kom til liðsins frá einmitt Val fyrr í sumar.
Valsmenn vildu losa sig við Gary eftir aðeins nokkra leiki og var samningi hans við félagið rift.
Í hlaðvarpsþættinum skemmtilega Steve Dagskrá þá var þessi viðureign rædd og tvenna Gary sem fær enn borgað frá Val þar sem samningnum var rift.
Talað er um einn ‘dýrasta skilnað í íslensku knattspyrnusögunni’ en Valsmenn tapa einnig miklu ef þeir komast ekki í Evrópukeppni fyrir næsta tímabil
,,Þar mæta Valsarar alveg trylltir og skora á annarri mínútu, Kristinn Freyr með mark og í 10. skipti sem þeir komast yfir í leikjum eða ég veit ekki hversu oft,“ sagði Andri Geir Gunnarsson, annar af stjórnendum þáttarins.
,,Svo er það einhver harðasti skilnaður íslensku knattspyrnusögunnar: Gary John Martin. Það var twittað að hann væri ekki bara að lifa á peningum Vals heldur að hann væri mögulega að taka af þeim einhverjar tugi milljóna líka.“
Vilhjálmur Freyr Hallsson, meðstjórnandi, ræddi svo upphæðina sem þessi tvenna Gary gæti kostað Val ef þeir komast ekki í Evrópu.
,,Þetta er hellingur af pening. Það stendur starting fee sé í kringum 2,9 – 3 milljónir evra og svo færðu 500 þúsund fyrir hvert round.“
