Íslenska landsliðið í knattspyrnu mætir Moldóvu í undankeppni EM á morgun, liðið mætir svo Albaníu á útivelli á þriðjudag.

Nú þegar Alfreð Finnbogason er fjarverandi vegna meiðsla veltir fólk því fyrir sér hver byrjar í framlínu liðsins.

Kolbeinn Sigþórsson hefur spilað vel í Svíþjóð en ekki er víst að hann geti byrjað tvo leiki, Jón Daði Böðvarsson og Viðar Örn Kjartansson eru til taks.

,,Ég get ekki svarað því hvort hann geti byrjað tvo leiki, það er rétt að oftast í Svíþjóð byrjar hann einn og þann næsta á bekknum,“ sagði Erik Hamren, þjálfari Íslands í dag.

,,Hann hefur líka byrjað tvo leiki í röð. Við sjáum það eftir leikina tvo hvernig það fer.“