Bolton Wanderers sem Íslendingar hafa góða tengingu við fer á hausinn á morgun, nema eitthvað óvænt gerist.
Félagið hefur síðustu ár glímt við mikil fjárhagsleg vandræði, vonir stóðu til að félagið yrði selt um helgina.
Það datt upp fyrir og nú hefur verið greint frá því að félagið fari á hausinn á morgun, nema það takist að finna nýjan eiganda.
Bolton var fyrir tíu árum mjög stöðugt félag í ensku úrvalsdeildinni, Guðni Bergsson var lengi fyrirliði liðsins. Þá léku Grétar Rafn Steinsson, Heiðar Helguson, Eiður Smári Guðjohnsen og fleiri fyrir félagið.
Bolton hefur til 17:00 til að finna eiganda til að kaupa félagið og rétta skútuna við, annars verður sjoppunni lokað.
