Mauricio Pochettino, stjóri Tottenham, segir að Christian Eriksen sé alls ekki að hjálpa liðinu þessa stundina.
Eriksen er á síðasta ári samningsins í London en hann hefur neitað að framlengja við félagið eins og er.
,,Þetta er ekki besta staðan fyrir hann og fyrir alla aðra. Þetta er ekki eins og hann bjóst við eða félagið bjóst við,“ sagði Pochettino.
,,Það er ekki hægt að benda nákvæmlega á vandamálið. Þú reynir að laga vandamálin og stöðuna.“
,,Ég er alltaf opinn fyrir því að hjálpa til og hjálpa stjórnarformanninum. Ég veit að svona ákvarðanir eru ekki auðveldar.“
