Hlaðvarpsþátturinn, Steve dagskrá fjallar um knattspyrnuna hér á landi öðruvísi en en flestir. Þeir tækla málin sem aðrir taka ekki eftir.

Takkaskór og hárgreiðslur er eitthvað sem Andri Geir Gunnarsson, annar stjórnandinn er sérfræðingur í þeim efnum. Í nýjasta þætti ræðir hann um Finn Tómas Pálmason, leikmann KR.

Finnur er einn efnilegasti leikmaður deildarinnar og hefur slegið í gegn með KR í sumar. ,,Hann er lang yngstur í liðinu, hann er ekki að fletta í gegnum Instagram og tékka hvernig hárgreiðslu hann eigi að hafa eða sokkana,“ sagði Andri Geir í þætti dagsins.

Andri heldur því fram að mamma Finns hafi komist í skærin. ,,Það er svolítið eins og mamma hans hafi klippt hann. Síðan hafi hárgreiðslan lifað í einn og hálfan mánuð. Það myndi sjást ef hann væri að reyna að vera svona.“

Vilhjálmur Freyr Hallsson sem einnig stýrir þættinum, segir að Finni sé alveg sama. ,,Hann virkar á mig sem gæi sem er drullu sama. Hann er gæi sem er ekta.“

Andri segir að Finnur klæðist gamalli týpu af takkaskóm, hann spáir ekki í svona hlutum.

,,Hann er í takkaskóm sem eru ekki flottir, þeir eru ekki ljótir. Þeir eru frá 2015, einhverjir skór sem hann hefur fengið fyrir löngu. Hann gæti sagt við liðstjórann að redda sér nýjum skóm.“