Bjarni Helgason, blaðamaður Morgunblaðsins skrifar áhugaverðan bakvörð í blað dagsins. Þar ræðir hann um Ásgeir Börk Ásgeirsson.

Bjarni er stuðningsmaður Fylkis í fótbolta og er afar ósáttur við að félagið hafi losað sig við Ásgeir síðasta haust. Ásgeir hefur átt góðu gengi að fagna eftir að hann samdi við HK.

,,Það er fátt sem hef­ur kætt mig jafn mikið í sum­ar eins og fram­ganga Ásgeirs Bark­ar Ásgeirs­son­ar með HK í Pepsi Max-deild­inni. HK hef­ur komið mikið á óvart í deild­inni í sum­ar en liðið er í fjórða sæti og þá tapaði liðið síðast deild­ar­leik í lok júní,“ skrifar Bjarni í Morgunblaðið í dag.

Bjarni segir að Ásgeir Börkur henti HK afar vel. ,,Þá spil­ar HK fót­bolta sem hent­ar Berk­in­um full­kom­lega. Hans hlut­verk er fyrst og fremst að verj­ast á miðsvæðinu og vernda varn­ar­menn liðsins. Kópa­vogsliðið gef­ur and­stæðing­um sín­um lítið pláss á síðasta þriðjungn­um og þannig nýt­ist Börk­ur­inn best, á litlu svæði. Hann hef­ur stungið sokk upp í marga sem töldu hann ekki nægi­lega góðan fyr­ir efstu deild.“

Bjarnir herðir svo tóninn í grein sinni og sendi Helga Sigurðssyni, þjálfara Fylkis væna pillu. Segir hann kannski eiga heima í 1. deild en ekki Pepsi Max-deild karla.

,,Á hinn bóg­inn finnst mér erfitt að sjá Börk­inn springa svona út með öðru liði en Fylki. Þetta sýn­ir manni hins veg­ar að þjálf­ar­arn­ir í efstu deild eru mis­góðir, al­veg eins og leik­menn­irn­ir í deild­inni, og kannski var það bara Helgi Sig sem átti heima í 1. deild­inni all­an tím­ann, ekki Ásgeir Börk­ur Ásgeirs­son.“