Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn á Englandi er nú opinn eins og í öðröum löndum.
Hér má sjá pakka dagsins.
Manchester City hefur hafnað 72 milljóna punda tilboði FC Bayern í Leroy Sane. (Metro)
City vill 137 milljónir punda fyrir Sane. (Telegraph)
Manchester United er í vandræðum með að ná samkomulagi við Paulo Dybala sem setur skipti á honum og Romelu Lukaku til Juventus í hættu. (Independent)
Harry Maguire er ekki í leikmannahópi Leicester í dag gegn Atalanta vegna áhuga Manchester United á honum. (Telegraph)
Dejan Lovren er á óskalista Roma en félagið telur að Liverpool selji á hann 11-12 milljónir punda. (Mirror)
Liverpool íhugar að kaupa Francois Kamano 23 ára framherja Bordeaux. (Sun)
Tottenham er að kaupa Giovani lo Celso 23 ára miðjumann Real Betis. (Mail)
Spurs skoðar að kaupa Bruno Fernandes 24 ára miðjumann Sporting Lisbon. (Standard)
Manchester City skoðar að kaupa Joao Cancelo 25 ára bakvörð Juventus. (Telegrah)
Manchester United vildi ekki fá Moise Kean framherja Juventus sem er að fara til Everton. (90min)
Crystal Palace, Burnley og West Ham reyna að fá Gary Cahill. (Mail)
