Maxi Lopez, fyrrum framherji Barcelona, er sár þessa dagana en hann fær ekki að hitta börnin sín.
Lopez var eitt sinn giftur hinni umdeildu Wanda Nara en hún er í dag eiginkona framherja Inter, Mauro Icardi.
Wanda og Lopez eignuðustu þrjú börn saman áður en hún bað um skilnað og byrjaði í kjölfarið með Icardi. Talið er að Wanda hafi haldið framhjá með Icardi á meðan hún var gift Lopez.
Lopez spilar í Brasilíu þessa stundina en hann fær ekkert að hitta börnin sín og á í erfiðleikum með að tala við þau í símann vegna Wanda og Icardi sem vilja ekkert með hann hafa.
,,Þau leyfa mér ekki að hitta börnin mín. Ég hef séð þau tvisvar síðasta árið,“ sagði Lopez í sjónvarpsþættinum Podemos Hablar.
,,Ég reyni að tala við Wanda og allt á að vera okkar á milli en það endar alltaf á samskiptamiðlum.“
,,Þau sýna mér óvirðingu, hún hugsar bara um peninga þó að hún þurfi ekki að hafa neinar áhyggjur.“
,,Ég sagði nýja eiginmanni hennar að hann myndi aðeins skilja það sem ég er að ganga í gegnum þegar hann verður sjálfur faðir.“
,,Að sjá hvernig þau nota börnin mín gerir mig svo reiðan. Hann hefur margoft skellt á mig í símanum þegar ég tala við þau.“