Rúrik Gíslason, leikmaður Sandhausen, spilaði með liðinu gegn SGS Grossespach í æfingaleik í dag.
Rúrik og félagar unnu 4-3 sigur í dag og var okkar maður heitur fyrir framan markið og gerði þrjú mörk.
Vængmaðurinn skoraði þrennu í fyrri hálfleik og er því í frábæru standi fyrir komandi átök í næst efstu deild í Þýskalandi.
Myndband var birt af þrennu Rúriks í kjölfarið og má sjá hana hér fyrir neðan.