Það má búast við að þónokkrar breytingar verði gerðar hjá Manchester United fyrir næstu leiktíð.

Ole Gunnar Solskjær er tekinn við liðinu og vill hann hrista vel upp í mannskapnum og einnig fyrir bakvið tjöldin.

Í gær var staðfest að Richard Hartis myndi snúa aftur til United en hann var markmannsþjálfari United er Sir Alex Ferguson stýrði liðinu.

Hartis vann hjá United í tíu ár og starfaði svo síðar með Solskjær hjá bæði Cardiff og Molde.

Búið er að ráða hann á nýjan leik en Emilio Alvarez mun þó halda starfi sínu. Hann var fenginn sem markmannsþjálfari af Jose Mourinho.

Enski boltinn á 433 er í boði