Dietmar Hamann, fyrrum leikmaður Liverpool, hefur verið ákærður af lögreglu en hann er staddur í Ástralíu þessa stundina.
Hamann er fyrrum stórstjarna en hann lék 59 landsleiki fyrir Þýskaland á sínum tíma. Hann er 45 ára gamall í dag.
Hamann er staddur í fríi í Ástralíu ásamt kærustu sinni en hann var handtekinn um föstudagsnótt.
Þjóðverjinn er ásakaður um að hafa ráðist að kærustu sinni en hann mun mæta fyrir rétt á fimmtudaginn.
Kærasta hans þurfti á vernd að halda frá lögreglunni en búið er að sleppa Hamann úr haldi tímabundið.
Hún hlaut engin alvarleg meiðsli en Hamann er grunaður um að hafa ýtt henni eftir rifrildi.