Búist er við að Kári Árnason muni skrifa undir samning við Víking Reykjavík í dag. Það er RÚV.is sem segir frá.

Kári æfði með Víkingi í gær og hefur náð samkomulagi við félagið um kaup og kjör.

Síðasta árið lék Kári með Genclerbirligi í Tyrklandi en fyrir ári síðan ætlaði hann að ganga í raðir Víkings.

Kári hefur átt farsælan feril í atvinnumennsku en hann lék í Skotlandi, Englands, Svíþjóð, Kýpur og nú Tyrklandi.

Kári hefur einnig verið einn besti leikmaður íslenska landsliðsins síðustu ár en hann á að baki 77 A-landsleiki. Heimildir RÚV herma jafnframt að Víkingar vonist því til þess að geta kynnt Kára sem nýjasta leikmann liðsins síðdegis í dag.