Við rákumst á gríðarlega skondið myndband í dag sem fyrrum framherjinn Ivan Klasnic birti á Instagram.
Klasnic var flottur framherji á sínum tíma og er þekktastur fyrir tíma sinn hjá Werder Bremen og Bolton.
Hann er 39 ára gamall í dag en lagði skóna á hilluna árið 2013 eftir stutt stopp hjá Mainz í Þýskalandi.
Klasnic er einnig fyrrum króatískur landsliðsmaður og lék á sínum tíma þrjá leiki í landsliðinu með Dejan Lovren.
Lovren er ein skærasta stjarna króatíska boltanns en hann virðist vera búinn að gleyma fyrrum samherja sínum.
Klasnic hitti Lovren á dögunum og þóttist vera aðdáandi sem væri einfaldlega að biðja um mynd.
Lovren tók ekki eftir því að þarna væri fyrrum félagi sinn í landsliðinu og var ekki lengi að smella í mynd og labba burt.
