Arnar Sveinn Geirsson, hefur skrifað undir samning við Breiðablik. Hann kom til félagsins frá Val á miðvikudag, og gæti þreytt frumraun sína gegn Grindavík á laugardag.
Arnar Sveinn er fæddur árið 1991, síðustu ár hefur hann spilað sem bakvörður en iðulega lék hann sem kantmaður.
Arnar missti sæti sitt í byrjunarliði Vals á síðasta tímabili þegar Birkir Már Sævarsson, landsliðsmaður gekk í raðir liðsins.
Rætt var um félagaskipti Arnars í Dr. Football í gær, þar var talað um að hann væri að hækka laun sín vel. ,,Arnar Sveinn að ná í mjög góðan deal, þykkja budduna fyrir sumarið,“ sagði Hjörvar Hafliðason sem stýrir þættinum.
Sérfræðingurinn, Kristján Óli Sigurðsson telur að Arnar fái nýtt viðurnefni í sumar.
,,Hann er alla vegana mættur, ég held að hann verði kallaður Add Seðill í sumar. Hann þarf salt í grautinn eins og ég og þú.“