Þeir Hallgrímur Dan Daníelsson og Birkir Már Sævarsson munu þjálfa lið KH á Hlíðarenda í sumar.
Þetta staðfesti félagið í kvöld en KH leikur í þriðju efstu deild og fer keppnin senn að hefjast.
Birkir Már er íslenskur landsliðsmaður og leikur nú með Val í Pepsi-deildinni. Hann tekur að sér annað verkefni.
Tilkynning KH:
Hallgrímur Dan Daníelsson er nýr þjálfari KH og honum til aðstoðar verður Birkir Már Sævarsson, leikmaður Vals og íslenska landsliðsins.
Þeir taka við af Arnari Steini Einarssyni sem þarf að hverfa frá störfum vegna anna á öðrum vígstöðum.
Hallgrímur Dan er með UEFA B-þjálfaragráðu og hefur starfað í yngri flokkum Vals við góðan orðstír undanfarin ár.
Birki Má þarf ekki að kynna fyrir landsmönnum, en þessi reynslumikli leikmaður er þar með að taka sín fyrstu skref í þjálfun.
Við bjóðum Hallgrím og Birki velkoma til starfa og þökkum jafnframt Arnari Steini fyrir frábær ár.
