Ole Gunnar Solskjær, stjóri Manchester United, kvartaði í gær eftir leik liðsins við West Ham.
United vann 2-1 sigur á Old Trafford en tvær vítaspyrnur Paul Pogba sáu um að tryggja liðinu sigur.
Þetta var annar leikur United á stuttum tíma eftir viðureign gegn Barcelona í Meistaradeildinni á miðvikudag.
United leikur svo aftur við Barcelona næstkomandi þriðjudag, eitthvað sem Solskjær er ekki hrifinn af.
,,Næsti leikurinn okkar er á þriðjudaginn sem hafði mögulega áhrif á hugarástand leikmanna,“ sagði Solskjær.
,,Ég skil ekki af hverju við spilum á miðvikudag og svo á þriðjudagnn næsta. Það er mín kvörtun til UEFA.“
,,Að spila á miðvikudaginn, í dag og svo aftur á þriðjudag hefur stór áhrif. Við sluppum þó með þetta í dag.“
