Hákon Arnar Harladsson, leikmaður ÍA er einn efnilegasti leikmaður landsins. Hann er fæddur árið 2003.

Hákon hefur verið að æfa og spila með meistaraflokki ÍA í vetur og gæti fengið tækifæri í Pepsi deild karla í sumar.

Að auki er Hákon í U16 og U17 ára landsliðum Íslands og hefur staðið sig vel.

„Ég vonast til þess að fá einhver tækifæri með ÍA liðinu í sumar. Markmiðið er að komast í leikmannahópinn og nýta þau tækifæri sem ég fæ. Ef ég skora þá ætla ég að fagna eins og Mbappé,“ segir Hákon Arnar Haraldsson leikmaður ÍA við Skagafréttir.

Hákon fer um næstu helgi til IFK Norrköping í Svíþjóð ásamt Jóni Gísla Eyland Gíslasyni liðssfélaga sínum úr ÍA og U-17 ára liðinu til reynslu.

Með IFK Norrköping leika tveir fyrrum liðsfélagar Hákons, þeir Oliver Stefánsson og Ísak Bergmann Jóhannesson.

Viðtal Skagafrétta við Hákon er hér að neðan.