Lionel Scaloni, landsliðsþjálfari Argentínu, lenti í leiðindaratviki á Spáni í morgun er hann varð fyrir bíl.

Scaloni er vanur að hjóla á milli staða í bænum El Toro þar sem hann er búsettur eftir margra ára feril á Spáni.

Þessi 40 ára gamli fyrrum leikmaður Deportivo La Coruna er ansi illa farinn í andlitinu eftir slysið og birti mynd af sér á samskiptamiðla.

Óttast var að Scaloni væri mjög illa særður eftir að fréttirnar bárust fyrst en sem betur fer slapp hann betur en í fyrstu var haldið.

Áreksturinn átti sér stað fyrir utan skóla í bænum en óvíst er hvort að bíllinn hafi verið í rétti eða ekki.

Scaloni var flottur knattspyrnumaður á sínum tíma en var ráðinn landsliðsþjálfari Argentínu á síðasta ári.

Hér má sjá myndina sem hann birti.