Hannes Þór Halldórsson hefur skrifað undir samning við Val. Þetta var gert á fréttamannafundi á Hlíðarenda rétt í þessu.
Samningur Hannesar gildir til 2022, ljóst er að um mikinn hvalreka er að ræða fyrir Val.
Hannes verður 35 ára gamall síðar í þessum mánuði, markvörðurinn er sá besti sem Ísland á í dag.
Hannes hefur varið mark landsiðsins af stakri snilld en langt er síðan að ljóst var, að hann myndi skrifa undir hjá Val.
Hannes rifti samningi sínum við Qarabag í Aserbaídsjan fyrir helgi, hann kom svo til Íslands um helgina og kláraði samning við Val.
Hannes lék með KR áður en hann hélt í atvinnumennsku árð 2013. Á sex árum hefur hann spilað í Noregi, Hollandi, Danmörku og svo Aserbaídsjan. Hann gekk í raðir Qarabag síðasta sumar en dvöl hans þar, heppnaðist ekki.
Hannes hefur spilað 59 landsleiki fyrir Ísland. Fyrir er Valur með Anton Ara Einarsson, einn besta markvörð deildarinnar.
Hannes öðlaðist heimsfrægð síðasta sumar þegar hann varð vítaspyrnu, frá Lionel Messi einum besta knattspyrnumanni sögunnar. Atvikið átti sér stað á HM í Rússlandi.
