Wayne Rooney fyrrum leikmaður Manchester United og Everton getur ekki hugsað sér það að sjá Liverpool vinna ensku úrvalsdeildina.
Liverpool berst nú við Manchester City um sigur í deildinni, baráttan er afar hörð og ljóst er að ekkert verður gefið eftir.
,,Það er frábært að búa erlendis þegar þessi félög berjast um sigur í deildinni,“ sagði Rooney sem býr nú í Bandaríkjunum, þar spilar hann með DC United.
,,Ég vona að City komi á undan Liverpool í mark, ég þoli það ekki að sjá Liverpool vinna. Það yrði martröð fyrir mig sem Everton stuðningsmann.“
,,Ég man ennþá eftir 2005 þegar þeir unnu Meistaradeildina, þeir röfla enn um það í dag. Þeir myndu því ræða um þennan titil í tíu eða fimmtán ár.“
Enski boltinn á 433 er í boði 
