Eins og kunnugt er þá er Viðar Örn Kjartansson mættur aftur í íslenska landsliðið en þetta var staðfest í vikunni.

Viðar hefur lítið spilað undanfarna mánuði en hann hefur verið á mála hjá rússnenska félaginu Rostov.

Hammarby í Svíþjóð tryggði sér þó þjónustu Viðars á dögunum og fær hann vonandi meira að spila þar í landi.

Viðar stóð ekki lengi við þá ákvörðun að hætta með landsliðinu og var snöggur að taka tilboði landsliðsþjálfarana um að snúa aftur.

Það þýðir að Kjartan Henry Finnbogason fær ekki tækifæri í hópnum en hann á að baki 11 landsleiki og hefur gert í þeim tvö mörk.

Kjartan spilar í dag fyrir lið Vejle í Danmörku en var áður á mála hjá AC Horsens þar sem hann skoraði mikið af mörkum.

Albert Brynjar Ingason, leikmaður Fjölnis, er mikill húmoristi og gerði grín að þessu útspili á Twitter-síðu sinni.

Kjartan hafði áður sjálfur gert grín að þessu á sinni eigin síðu sem má sjá með því að smella hér.

,,Viðar Örn Kjartansson hættur. Viðar Örn Kjartansson ekki hættur. The Movie,“ skrifar Albert og birtir svo ansi skemmtileg myndband.

Viðar Örn Kjartansson hættur.

Viðar Örn Kjartansson ekki hættur.

The Movie. pic.twitter.com/0V63xYAuxa

— Albert Ingason. (@Snjalli) 20 March 2019