Hörður Snævar Jónsson skrifar frá Peralada á Spáni:
Kjartan Henry Finnbogason framherji Vejle, í Danmörku virðist óhress með valið á íslenska landsliðinu og að hann sé ekki í myndinni.
Kjartan Henry var í umræðunni áður en fyrsti landsliðshópurinn fyrir undankeppni EM var valinn á fimmtudag, í síðustu viku.
Hann var ekki í þeim hóp sem kom mörgum á óvart enda aðeins, tveir framherjar í hópnum. Alfreð Finnbogason og Björn Bergmann Sigurðarson, eru í hópnum.
Það kom mörgum á óvart í gær þegar Viðar Örn Kjartansson, var kallaður inn í hópinn en hann hafði hætt með landsliðinu á síðasta ári. Hann hafði hins vegar sagt að hann myndi íhuga endurkomu.
Kjartan birtir myndband á Twitter í dag með vitnun í Steinda Jr. ,,Ég er hættur við að hætta við,“ segir Steindi og má ætla að Kjartan sé þarna að vitna í þá staðreynd að Viðar Örn, hafi hætt við að hætta með landlsiðinu.
Viðar gekk svo í raðir Hammarby um helgina og var kallaður inn í hópinn í dag fyrir leiki í undankeppni EM, þar sem liðið mætir Andorra og Frakklandi. Ekki hefur fengist skýring á því af hverju Viðar er kallaður inn í hópinn.
Kjartan virtist tjá sig með fremur einföldum hætti á Twitter í gær þegar hann birti færslu, með tjámerki sem lokar á sér munninum. Færsla Kjartans hefur fengið mikil viðbrögð, hana má sjá hér að neðan.
Ætla má að Kjartan sé með þessu að lýsa yfir óánægju sinni með þá staðreynd að Erik Hamren horfir framhjá honum.
— Kjartan Henry (@kjahfin) March 20, 2019
?
— Kjartan Henry (@kjahfin) March 19, 2019