Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu er lokaður í stærstu deildunum en slúðrið heldur áfram að rúlla.
Hér má sjá pakka dagsins.
Michael Carrick sem er í þjálfarateymi Manchester United er efstur á óskalista Newcastle ef Rafael Benitez hættir sem stjóri í sumar. (Teamtalk)
Manchester United þarf að berjast við Paris Saint-Germain um Jadon Sancho, 18 ára gamlan leikmann Dortmund. (Mirror)
Real Madrid er tilbúið að skipta á Gareth Bale, leikmanni liðsins og Christian Eriksen, leikmanni Tottenham. (Mirror)
Chelsea mun bjóða markmanninum Willy Caballero eins árs framlengingu á hans samningi. (Sun)
Manchester City mun fá samkeppni frá Juventus og AC Milan um hinn 18 ára gamla Antonio Marin sem spilar með Dinamo Zagreb í Króatíu. (Calciomercato)
City mun eyða 350 milljónum punda í sumar en Pep Guardiola vill styrkja liðið verulega. (Star)
Guardiola vill fá Thiago Alcantara, miðjumann Bayern Munchen en hann vann áður með leikmanninum. (Mirror)
Manchester United er tilbúið að borga 180 milljónir evra til að landa Ruben Dias og Joao Felix, efnilegum leikmönnum Benfica. (Record)
Juventus gæti reynt að ráða Antonio Conte aftur til starfa ef Massimiliano Allegri yfirgefur liðið í sumar. (Corriere dello Sport)
Juventus horfir einnig til Englands og íhugar að reyna við Pep Guardiola hjá Manchester City og Jurgen Klopp hjá Liverpool. (Tuttosport)