AFP fréttastofan hefur fengið það staðfest frá lögreglunni í Frakklandi að Emiliano Sala, framherji Cardiff hafi verið um borð í flugvélinni sem hvarf í gær. Cardiff hefur ekki staðfest fréttirnar.
Sala varð um helgina liðsfélagi Arons Einars Gunnarssonar en félagið keypti hann frá Nantes í Frakklandi. Hjá Nantes er Kolbeinn Sigþórsson.
Mikil sorg er á æfingasvæði Nantes í dag, í Frakklandi er fjallað um málið. Þar óttast vinir hans að Sala sé látinn, mikið hefur verið grátið á æfingasvæði félagsins. Æfingu liðsins var frestað og leikur sem liðið átti að spila á morgun fer ekki fram.
Meira:
Staðfesta að liðsfélagi Arons Einars hafi verið um borð í vélinni sem hvarf í gær
Óhugnanlegt atvik: Dýrasti leikmaðurinn í liði Arons Einars sagður vera í flugvél sem er týnd
Vélin var á leið fá Nantes í Frakklandi til Cardiff. Cardiff var að kaupa Sala frá Nantes en hann var í Frakklandi að kveðja gamla vini. Sala var í vélinni ásamt flugmanni hennar.
„Við höfum miklar áhyggjur af Sala. Við erum að bíða eftir frekari fregnum áður en við tjáum okkar meira,“ segir Mehmet Dalman, stjórnarformaður Cardiff.
Vélin týndist við Casquets á leið sinni en það var um klukkan 20:30 í gærkvöldi, flugumferðarstjórar tóku þá eftir því að vélin hvarf skyndilega af radar sem þeir fylgjast með.
Tvær þyrlur, tvær flugvélar og bátur eru nú að leita að vélinni sem Sala var um borð í. Hún hvarf sporlaust en leit var hætt um 02:00 í nótt en hófst aftur í morgun.
Hér að neðan er síðasta færsla Sala á samfélagsmiðlum í gær þegar hann var í Nantes að kveðja gamla félaga.
Enski boltinn á 433 er í boði 
