Philippe Coutinho leikmaður Barcelona er orðaður við lið á Englandi þessa dagana. Hann fær lítið að spila hjá Barcelona.

Coutinho hefur ekki náð flugi eftir að Barcelona keypti hann frá Liverpool fyrir ári síðan.

Spænskir miðlar segja að Coutinho sé á óskalista Manchester United og þá myndi Liverpool hafa áhuga aftur.

Aina Coutinho, eiginkona Coutinho vill hins vegar búa á Spáni. Hún var að eignast þeirra annað barn og líður vel á Spáni.

Ljóst er að Coutinho gæti verið seldur næsta sumar ef Barcelona þarf að fjármagna kaup á nýrri stjörnu, ef hann kemur sér ekki í liðið.