Ryan Babel, fyrrum leikmaður Liverpool, er sagður vera á leið aftur í ensku úrvalsdeildina.
De Telegraaf í Hollandi greinir frá þessu en Babel er talinn vera að skrifa undir lánssamning við Fulham.
Babel spilar með Besiktas í Tyrklandi í dag en verður samningslaus næsta sumar og virðist ekki ætla að framlengja.
Babel er 32 ára gamall íd ag en hann spilaði með Liverpool í fjögur ár eftir að hafa komið frá Ajax árið 2007.
Hann samdi síðar við Hoffenheim í Þýskalandi og hefur einnig leikið með liðum á borð við Kasimpasa, Deportivo La Coruna og nú Besiktas.
Babel er enn partur af hollenska landsliðinu og á að baki 54 landsleiki.
