Sóknarmaðurinn Bernard hefur skrifað undir samning við Everton í ensku úrvalsdeildinni en félagið staðfesti þetta í dag.
Bernard er 25 ára gamall Brasilíumaður en hann hefur undanfarin fimm ár leikið með Shakhtar í Úkraínu.
Bernard stóð sig afar vel í Úkraínu en varð samningslaus í sumar og vildi reyna fyrir sér annars staðar.
Bernard gerir fjögurra ára samning við Everton en hann er fjölhæfur leikmaður sem getur leyst nokkrar stöður.
