Sadio Mane, leikmaður Liverpool, vakti athygli á síðustu leiktíð er hann virtist alltaf herma eftir liðsfélögum sínum Roberto Firmino og Philippe Coutinho er þeir fögnuðu mörkum.
Mane segir þó að það sé ekki rétt og að það sé hann sem sé að finna upp þessi fögn á æfingasvæðinu.
,,Stuðningsmennirnir eiga skilið að fá að vita sannleikann. Firmino hermir eftir mér, ekki öfugt!“ sagði Mane.
,,Ég byrjaði á sparkinu. Við reyndum það á æfingu. Hann skoraði og ég var fyrir aftan hann þegar hann fagnaði.“
,,Dansinn sem ég, Philippe og Bobby tókum var líka eftir mig!“
