Richarlison, sóknarmaður Watford er eftirsóttur þessa dagana.

Watford gæti þurft að selja sína bestu leikmenn í sumar en þeir ættu að græða ágætlega á því.

Manchester United hefur mikinn áhuga á Richarlison og þá hafa Bayern Munich og PSG einnig áhuga á leikmanninum en það er Mail sem greinir frá þessu.

Leikmaðurinn kom til Watford síðasta sumar fyrir rúmlega 10 milljónir punda og hefur hann skorað 5 mörk og lagt upp önnur 4 á þessari leiktíð.

Verðmiðinn á leikmanninum er í kringum 60 milljónir punda en hann er sagður spenntur fyrir því að reyna sig hjá stærra félagi.