Eden Hazard sóknarmaður Chelsea segir að þrír leikmenn séu bestir í ensku úrvalsdeildinni á þessu tímabili.
Hazard er einn sá besti í deildinni en hann kaus Kevin de Bruyne bestan á þessu tímabili.
,,Það eru þrír sem eru bestir, De Bruyne, Salah og Harry Kane,“ sagði Hazard.
,,Ég kaus De Bruyne bestan, ég hefði getað kosið Salah því ég spilaði með honum og hann er vinur minn. Salah er sóknarmaður frekar en spilari.“
,,Kevin hefur allt, hann verst, hann gefur fyrir, leggur upp og skorar mörk í stórum leikjum. Hann er sá besti að mínu mati.“
