Graeme Souness sérfræðingur Sky Sports er ekki hrifinn af því hvernig Alexis Sanchez hefur spilað hjá Manchester United.
Sanchez hefur lítið getað eftir að United fékk hann frá Arsenal í janúar.
Sanchez sást ekki mikið í sigri United á Chelsea í ensku úrvalsdeildinni í dag.
,,Ferill Sanchez hefur ekki farið af stað hjá United,“ sagði Souness.
,,Í hvert skipti sem ég horfi á hann þá hugsa ég hver ert þú? Þegar hann var hjá Arsenal þá var hann að gera gæfumuninn.“
,,Hann var bara í feluleik gegn Chelsea, ég get ekki hugsað um einn hlut sem hann gerði í Chelsea leiknum.“
