Paul Scholes, fyrrum leikmaður Manchester United, er ekki viss um það að Zinedine Zidane sé rétti maðurinn fyrir félagið.
Zidane er orðaður við starfið hjá United en óvíst er hversu lengi Jose Mourinho mun endast á Old Trafford.
Scholes efast þó um hæfni Zidane sem ákvað að yfirgefa Real Madrid mjög óvænt eftir síðustu leiktíð.
,,Er Zidane rétti maðurinn samt? Hann tók við Real Madrid sem var lið skipað sigurvegurum,“ sagði Scholes.
,,Þetta er allt annað starf. Hann þyrfti að byggja upp sjálfstraust í leikmannahóp sem er ekki að standa sig.“
,,Hann fór til Real Madrid sem var með svo marga góða leikmenn, það var kannski erfitt en þetta yrði allt annað starf.“