Alan Shearer, markahæsti leikmaður ensku úrvalsdeildarinnar, gat gengið í raðir Manchester United á ferlinum.
Shearer hafnaði því tvisvar að semja við félagið en Sir Alex Ferguson hafði mikinn áhuga á honum.
Shearer valdi Blackburn og Newcastle framyfir United á ferlinum og sér alls ekki eftir því í dag.
,,Aldrei! Ég þoldi þá ekki og ég þoli þá ekki í dag!“ skrifaði Shearer á Twitter er hann var spurður út í hvort hann sæi eftir því að hafa ekki farið á Old Trafford.
Shearer er 48 ára gamall í dag en hann skoraði 260 mörk í 441 leik í ensku úrvalsdeildinni.
