Alexandre Lacazette, leikmaður Arsenal, neitar því að félagið hafi viljað selja sig í sumar.
Lacazette var orðaður við brottför fyrir lok gluggans í sumar en óvíst var hvort hann myndi fá mikinn spilatíma undir Unai Emery.
Lacazette segir þó að það hafi ekki komið til greina og ræðir einnig það fyrsta sem hann hugsar um er hann hugsar um félagið.
,,Þegar ég hugsa um Arsenal þá hugsa ég fyrst þegar Thierry Henry var þar að spila og skora mörk. Nú er ég þarna og vil gera stuðningsmenn glaða,“ sagði Lacazette.
,,Ég skrifaði undir hjá Lyon bara tíu ára gamall. Þeir vildu fá mig þegar ég var sjö ára en pabbi minn sagði að það væri of snemmt, hann sagði mér að skemmta mér með vinum mínum.“
,,Ég þurfti að taka næsta skref. Fyrir nokkrum árum ræddi ég við Arsenal en það var ekki rétti tíminn.“
,,Þegar þeir komu aftur þá var ég svo ánægður og viðræðurnar voru mjög snöggar. Ég er ánægður því ég þekki deildina, leikmennina og liðsfélaga mína.“
,,Félagið er ánægt því þeir vildu ekki selja mig í sumar, þeir sögðu mér að þeir væru ánægðir með að hafa mig þarna.“