Gary Neville, fyrrum leikmaður Manchester United, gagnrýndi vængmanninn Xherdan Shaqiri harkalega fyrr á tímabilinu.
Neville hraunaði í raun yfir Shaqiri eftir skipti til Liverpol í sumar og sagðist ekki vera aðdáandi hans.
Shaqiri var í dag spurður hvort hann gæti rætt málin við Neville í einrúmi en hann hefur engan áhuga á því.
,,Nei alls ekki. En mér er alveg sama hvað hann segir,“ sagði Shaqiri um hvort hann myndi fá sér sæti og kaffi með Neville.
,,Það eru margir sem hafa gert grín að mér eftir félagaskiptin til Liverpool sem áttu að vera of ‘stór’ fyrir mig.“
,,Ég var alltaf rólegur þó að ég hafi fengið lítið að spila í byrjun. Ég vissi að ég þyrfti að vera þolinmóður eftir það sem ég upplifði hjá Bayern Munchen og Inter Milan.“