Svikamylla Manchester City virðist ætla að vera lengi í loftinu en Der Spiegel er með mikið af gögnum um félagið hjá sér.

Nýjustu gögnin sem þeir opinbera er greiðsla félagsins til Roberto Mancini þegar hann var ráðinn stjóri liðsins árið 2009.

Sheik Mansour eigandi félagsins fór þá leið að borga meira en helming af launum Mancini í gegnum félag sitt, Al-Jazira Sports í Mið-austurlöndum.

Mancini fékk 1,45 milljón punda frá City á ári hverju í föst laun en sem „ráðgjafi“ hjá Al-Jazira fékk hann 1,75 milljón punda.

Þannig hefur City reynt að fara á svig við reglur FIFA um fjárhag félaga en kostnaðurinn við félagið er í raun miklu meiri.

Þannig hefur félagið svindlað á hvernig borgað er fyrir ímyndarétt leikmanna. Leikmenn fá greitt fyrir auglýsingar og annað slíkt á vegum félagsins.

City seldi réttinn til fyrirtækis sem Sheik Mansour borgaði svo 11 milljónir punda á ári hverju.