Chris Van Puyvelde yfirmaður knattspyrnumála hjá Belgíu ber mikla virðingu fyrir íslenska landsliðinu.

Dregið var í Þjóðardeild UEFA í fyrsta sinn í dag en um er að ræða nýja keppni sem gefur möguleika á að tryggja sig inn á Evrópumótið. Ísland er í A-deild sem er sterkasta deildin.

Ísland verður í riðli 2 með tveimur stórþjóðum en um er að ræða Sviss og Belgíu. Leikið verður í september, október og nóvember 2018 og mun sigurvegari hvers riðils fara í úrslitakeppni í júní 2019 þar sem barist verður um sigur í keppninni. Þau fjögur lið sem lenda í neðsta sæti í sínum riðlum falla niður í deild B.

,,Það eru ekki neinar stórþjóðir, riðill okkar mun ekki fá mikla athygli,“ sagði Van Puyvelde.

,,Það munu allir halda að við eigum vinna riðilinn en þeir sem vita eitthvað um fótbolta vita að Sviss og Ísland eur með góð lið.“

,,Það er erfitt að brjóta þau niður, sérstaklega Ísland. Þeir eru mjög erfitt lið að mæta, við verðum að spila okkar besta leik.“