Alex Oxlade-Chamberlain, sóknarmaður Liverpool var í ítarlegu viðtali á dögunum þar sem hann ræddi m.a vistaskipti sín til Liverpool, síðasta sumar.

Hann kom til félagsins frá Arsenal fyrir 35 milljónir punda og hefur hann farið ágætlega af stað með sínu nýja liði.

Chamberlain var einnig orðaður við Chelsea en ákvað að lokum að fara til Liverpool og spilaði Jurgen Klopp stórt hlutverk í vistaskiptunum.

Hann segir að það sé ákveðinn grundvallarmundur á Jurgen Klopp og Arsene Wenger, fyrru stjóra sínum hjá Arsenal.

„Stærsi munurinn hérna er hugmyndafræði stjóranna auðvitað. Hérna vill stjórinn stoppa ákveðna hluti frá fæðingu og hann vill líka sækja öðruvísi á andstæðinga sína,“ sagði Chamberlain.

„Ég var kominn í smá vana hjá Arsenal og hlutirnir þar voru orðnir eðlislægir hjá mér. Þú æfir ákveðna hluti, allan daginn og þegar að aðstæðurnar koma upp þá framkvæmir þú bara, án þess að hugsa.“

„Um leið og varnarmaðurinn gefur boltann og leikmaðurinn sem fær hann þarf að teigja sig eftir honum sem dæmi, þá förum við af stað. Hjá mínu gamla félagi þá hugsaði ég aldrei um þanng hluti, það var eitthvað sem við pældum ekki einu sinni í.“

„Þegar að allt liðið er á sömu blaðsíðu og vinnur saman þá er erfitt að brjóta það upp. Þess vegna, þegar að þú kemur inn þá tekur það tíma að læra á hlutina, ef það er einn maður sem klúðrar pressunni þá fer öll erfiðs vinnan til einskis,“ sagði hann að lokum.