Rúnar Kristinsson, þjálfari KR, var ánægður með sína menn í dag eftir 3-1 sigur á Keflavík í mikilvægum leik en KR berst um Evrópusæti.
,,Við vorum hægir í byrjun og vorum ekki að spila nógu hratt. Keflvíkingar vörðust mjög vel og voru mjög skipulagðir. Það var erfitt að finna glufur á þeirra varnarleik,“ sagði Rúnar.
,,Við lendum svo 1-0 undir en Pálmi skorar gull af marki og kemur okkur strax inn í leikinn. Það var gott að við jöfnuðum strax og það gaf mönnum meiri trú.“
,,Þetta er skyldusigur fyrir KR segja allir, við erum í Pepsi-deildinni og það er ekki hægt að tala um skyldusigra en það er auðvelt fyrir þá sem eru ekki inni á vellinum.“
,,Við verðum að halda fókus, FH getur unnið báða leikina sína og við getum tapað báðum þannig það er nóg eftir. Tvö stig er ekki mikið í fótbolta.“
,,Ég verð þjálfari KR áfram, ekkert vesen,“ bætti Rúnar við er hann var spurður út í eigin framtíð.
Nánar er rætt við hann hér fyrir neðan.