Pep Guardiola, stjóri Manchester City, segir að honum sé alveg sama um hvort að liðið sitt spili fallegan fótbolta eða ekki.

Guardiola er oft sagður vera aðdáandi þess að spila fallegan fótbolta en hann segist sjálfur bara hugsa um það að vinna.

,,Ég elska starfið mitt. Ég sýni mínar tilfinningar svo fólk veit alveg hvað ég er að hugsa með því að horfa á mig,” sagði Guardiola.

,,Það er auðvelt að skilja mig. Ég elska þetta starf. Ég gef mig allan í verkefnið og reyni að gera mitt besta. Ég vil ekki tapa.”

,,Nei, nei ég vil vinna. Þetta að ‘spila fallegan fótbolta’, ég nota það ekki og hef aldrei notað það.”

,,Við viljum vinna og við notum þann leikstíl sem ég tel að sé bestur til að við getum náð okkar markmiðum.”