Wayne Rooney, fyrrum fyrirliði Manchster United, segir stuðningsmönnum liðsins að hafa ekki áhyggjur af Jose Mourinho.
Mourinho er ekki allt of vinsæll á Old Trafford þessa dagana eftir undarlega hegðun á undirbúningstímabilinu og í byrjun leiktíðar.
Rooney þekkir Portúgalann ágætlega og er hann viss um að miðað við gæðin í hópnum þá mun liðið berjast um titilinn.
,,Þeir eru með gæðin, þeir verða bara að halda áfram. Mourinho veit hvað hann er að gera og kann að vinna titla,“ sagði Rooney.
,,Ég er viss um það að miðað við gæði leikmannana þá mun hann hafa plan til þess að reyna við titilinn.“
