Davy Klaassen, fyrrum leikmaður Everton, nýtti tímann í gær og ákvað að gagnrýna ensku úrvalsdeildina.

Klaassen samdi við Everton á síðasta ári en aðeins 12 mánuðum seinna var hann seldur til Werder Bremen.

Hollendingurinn segir að það sé erfitt að spila á Englandi og að allt snúist um peninga.

,,Á Englandi þá snýst þetta allt um peningana. Þessi lið geta eytt eins og þau vilja,“ sagði Klaassen.

,,Það eru ekki eins peningar í Þýskalandi. Félögin hafa meiri áhyggjur af hugmyndafræðinni og að koma að sinni hugmynd.“

,,Fyrir mig að fara til Bremen er einnig til þess að komast aftur í umhverfi þar sem fótboltinn byrjaði.“