Tveir 18 ára gamlir leikmenn verða í landsliðshópi Englands sem Gareth Southgate velur í næstu viku.
Enskir miðlar greina frá þessu í dag en England á leiki við bæði Sviss og Spán í september.
Samkvæmt fréttum dagsins verða bæði Jadon Sancho og Phil Foden í landsliðshópnum hjá Southgate.
Báðir leikmennirnir eru taldir mjög efnilegir en Foden er á mála hjá Manchester City þar sem Sancho var áður.
Sancho yfirgaf lið City fyrir Borussia Dortmund og hefur fengið nokkur tækifæri með aðalliðinu.
