Máni Austmann Hilmarsson hefur gert samning við lið HK í Inkasso-deild karla, þetta var staðfest í dag.

Máni kemur til HK frá Stjörnunni en hann hafði fyrr í sumar leikið með ÍR á láni.

Máni er annar leikmaðurinn sem HK fær á stuttum tíma en hinn leikmaðurinn er Hörður Árnason sem kom einnig frá Stjörnunni.

HK er í öðru sæti Inkasso-deildar karla en liðið er aðeins einu stigi frá toppliði Þórs og á leik til góða.

ÍR hefur verið í allt annarri stöðu í sumar en liðið er í fallsæti með tíu stig eftir 11 umferðir.