Lucas Torreira skrifaði í dag undir samning við Arsenal á Englandi en hann kemur til félagsins frá Sampdoria.

Torreira hefur lengi verið orðaður við brottför á Emirates og eru kaupin nú loksins gengin í gegn.

,,Ég hef fengið mörg skilaboð á samskiptamiðlum í langan tíma,“ sagði Torreira við heimasíðu Arsenal.

,,Þetta byrjaði allt saman þegar talað var um að ég væri á leið til félagsins jafnvel áður en HM byrjaði. Ég er mjög ánægður og hlakka til að hitta stuðningsmennina.“

Torreira var svo spurður út í það hvort hann hafi vitað að stuðningsmenn félagsins hafi fylgst með því hvaða flugi hann var í á leið til Englands.

Spennan var mikil á Emirates áður en kaupin voru tilkynnt og segir Torreira að þetta hafi komið sér á óvart.

,,Nei ég vissi ekki af þessu en ég er núna kominn og mun sjá þá alla bráðlega.“