Sergio Aguero, framherji Manchester City verður frá næstu vikurnar vegna meiðsla.

Framherjinn er meiddur á hné en hann meiddist á æfingu Manchester City í vikunni.

Hann hefur verið algjör lykilmaður í liðinu á þessari leiktíð og hefur skorað 21 mark og lagt upp önnur 6 í ensku úrvalsdeildinni á þessari leiktíð.

City er á góðri leið með að tryggja sér sigur í ensku úrvalsdeildinni en liðið hefur 13 stiga forskot á toppi ensku úrvalsdeildarinnar þegar 8. umferðir eru eftir og á leik til góða á Manchester United sem er í öðru sætinu.

Gabriel Jesus, framherji City hefur verið að snúa aftur til baka eftir meiðsli og því ættu City menn ekki að vera á flæðiskeri staddir þegar kemur að framherja.